LIMBURGS LAND

't Is 't landsjap mit zieng huëvels en tuurekes d'r tussje i
D'r waag deë sjleengerend omhoëg lupt
Ummer wiër de bussje i

't Zint de muëles langs 't water, de kirke, va kalksjtee
't Is 't land woë ich als kink nog nieks beleëfde
Wat pieng dee

Dat is mie land, mie Limburgs land

't Is 't landsjap mit zieng huëvels mit tuurekes d'r i
D'r weeg sjleengert ros boave
Ummer wiër de bussje i

't Zint de muëles langs 't water, de kirke va kalksjtee
't Is 't land woë ich als kink nog nieks beleefde
Wat pieng dee

Dat zint de sjteegelkes, de brugsjkes

't Is 'n doevetil, ing durpssjtroat mit zieng ouw bekkerie
Mit groëte boereheuef, ach wat veul ich mich hei blie

't Zint de graanvelde mit klapruës, fruitbeum sjtond in blui
Ich ken hei eindeloos ronkkieke, zoëget weed ich echt noëts mui

Dat is mie land, mie Limburgs land

't Is inne sjoëne lentemurge, d'r voëgel zingt zieng melodie
En ich loop volmaakt gelukkig mit dich hie aan mieng zie

Ich wool de ganse welt nog zie, doava kunt nit vöel terecht
Wen ich hei zoë mit dich ronk loop, hoof ich eigelik reeks mië weg...
want…

Dit is mie land, mie Limburgs land.

Oorspronkelijk: Mien Hogelaand
Tekst en muziek: Ede Staal
Vertaling: Paul van Loo

van de cd: Ede Staal, 2003

naar Paul van Loo

Deze pagina is bijgewerkt op