PETROL

Petrol!
Zo klónk 't vreuger door de sjtraote
Petrol!
Zeve sjtuvers veur ein blaek
Petrol!
Veur de pries mos te 't neet laote
Want dien lamp en kachel brent
veur mer viefendertig cent
gegarandeerd de ganse waek

Van wiedeweg nog huerdes te 'm al belle
mit zien sjipperspatsj gans vèttig van petrol
't Mager paerd trok zónger inspiratie
De gammel kar mit vate aafgelaje vol
en alle moders kaome dan nao boete
mit ein kenke of ein tuit of mit ein flesj
die hae hun plechtig mit d'n trechter volde
veur 't sjtaoke van de kachel veur de wesj.

Op ein plank dao sjtóng 't groeët gesjilderd
't is petrol van "Companie de Automaat"
Hae leep sjtaotig langs de kar wie eine keuning
zich bewus van zien gewich en zie formaat
En kaom dan eine mit de tuit aan loupe
trók t'r aan d'n teugel en reep: "ju!"
En koosj 't paerdje door de zjwaore las neet sjtoppe
woort t'r kaod en reep: "Blief sjtaon krak, nondedju!"

Ich zeen 'm nog de Borderwaeg aafkómme
't kerke piepde en sjtónk oere in de wèndj
Ziene hangsjnor ummer glummend van d'n aolie
Sjus zo kènde 'm in Obbich jeder kèndj
Want aaf en toe dan goof t'r dich ein beukske
Van Peter Olie en zien vrundje Pijpje Drop
Die belaefde dan op rijm hun avonture
en 't Esso-merk in kleur sjtóng achterop

1993, 7 maart.
Ter herinnering aan Fer Sjrieje en ter naogedachtenis aan Ede Staal

tekst: HERMAN VEUGELERS
muziek: EDE STAAL

naar Herman Veugelers

Deze pagina is bijgewerkt op