VELDEKE

jaargang 78
2003 nr.4

Ede Staal in Limburg(s)

E paar joar truuk zoog ich d'r Hollesje film "De Poolse Bruid". Deë sjpilt zich aaf in de provins Groningen. In dizze film klonk ópins e prachtig leedje " 't Hoogeland", gezónge durch inne zieëkere Ede Staal. (Weë wilt wete wat 't Hoogeland noe mit de provins te make hat, dem kan ich dat als lieraar aardrijkskunde natuurlik waal oetlegke.) Ich houw nog noeëts va dem gehoeëd, meh d'r touwval wil dat e paar mond later hei inne miensj oet Groninge sjturf en dat bij zieng crematie 't zelfde leedje weëd gesjpild. Mieng vrouw hat toen van de weduwe twieë cd's leedjes va Ede Staal gekrieëge en allerlei tekste uëver dizze in Groninge beroemde (de Groningse Jacques Brel) zenger. Ichzelf bin in loesterleedjes al joare bezig mit wat Limburgse tekste; dus op e gegeëve moment bin ich och an de vertalinge van dees Groninger leedjes begónne. Ins per joar han ich de aafgelope joare drei oavende loesterleedjes gezónge in 't plat, Hollesj, Ingelsj en Frans - akoestisch begeleid durch piano, accordeon en gitare - in 't Heëlesj Theater Lexor aan de Willemsjtroat. Dit joar eind mei woare dees leedjes van Ede Staal d'r leidroad durch 't program en hant vier, Ivo Rosbeek (arrangement en instrumente) en ich (wöäd en zang) ze óp cd gezat: tieën leedjes uëver leëve en doeëd, herinneringe aa vreuger en vroage uëver dialect. Dees cd hant v'r vuur tieën euro bij Lexor verkoch. Meh ze is oetverkoch en Ivo drukt nog nule. Op 18 en 19 september a.s. gónt vier nog 'ns twieë oavende truuk noa Theater Lexor, omdat 't in mei alle oavende oetverkoch woar, woa de cd waal wer te koop zal zieë. leëmes deë ze ieëder wil ha of nit noa 't theater kan kómme, kan ze bij mich besjtelle.
Bij 't Theater Lexor mos te reservere (tel.: 045-5722072), mie telefoonnummer is 045-5429627.

Lankgraaf, Paul van Loo

terug naar Paul van Loo

Deze pagina is bijgewerkt op