'T WITTE GOLD

Ien hoav´n van Delfziel ligt weer ´n Chiliboot kloar;
´t Roem vol mit boal´n, tweihonderd pond zwoar.
´k Mos doag´n laank sjouw´n, mien pokkel dut zeer,
dus zunder mien klokje krieg ik ´t nait veur mekoar.

Dat witte goudje dat braandt mie in ´d haand,
dei Chilisalpeter, wit gold veur ons laand.
Dei Chilisalpeter, wit gold veur ons laand.

Gain koumizze, drek meer, moar Chilisalpeter!
De eerappels, bait´n, dei grui´n veul beter.
Fabraik´n in Ol Pekel, de schustain´n rook´n;
neie kustvoarders plonz´n ien ´t Winschoterdaip.

Dat witte goudje.....

Mosttes zain hou bie zummerdag eerappels blui´n,
bie haarfsttied de bait´n ien bult´n op dam.
De stad stinkt aal zuit noar de sukerfabraik,
moar luu hebben´t goud, koop´n ´t wicht een schier klaid.

Dat witte goudje....

Tekst: Jan Timmer
muziek: Douwe Ettema

naar Timmer & Ettema

Deze pagina is bijgewerkt op