SCHOUNENDEUS

De plek woar ik mie vaailig vuilde
Woar ik geern noar terugkeer
noa een laange dag
Woar gedachten van vervlogen dreumen
Nog altied hangen in de gang

De plek dij wie soamen baauwt hebben
Woar al zoveul in is gebeurd
woar de braivenbus al moanden leeg is
moar onze noam stait op de deur

Ik heb hier niks meer
Ik heb hier niks meer
niks meer den vervlogen dreumen
en vergeelde foto’s in n schounendeus
en vergeelde foto’s in n schounendeus

Ik kiek uut t roam in n lege koamer
Dizze plek dij ik nait meer herken
Zulfs spaigel hier in koamer
dut asof ik n vrumde ben

Ik prakkezaair wat stee mie weerd is
Woar hail mien haart tegen protesteert
Want t hoes dat veur gain gold te koop was
Is net deur aine taxeert.

Ik heb hier niks meer
Ik heb hier niks meer
niks meer den vervlogen dreumen
en vergeelde foto’s in n schounendoos
en vergeelde foto’s in n schounendoos

Kop vol herinnerns
ik heb deuzen vol geluk
Denk dak ze noar de beune breng
krieg tied der nait mit terug

Ik heb hier niks meer
Ik heb hier niks meer
niks meer den vervlogen dreumen
en vergeelde foto’s in n schounendoos
en vergeelde foto’s in n schounendoos

Tekst en muziek: Alex Schoenmaker
zang: Irene Wilkens

van de cd: Sikkom Kult, 2018

naar Irene Wilkens

Deze pagina is bijgewerkt op