BLUUF ME WIG

Refrein:
Mikt asjeblieft gin reclame
Voe oans prachtig zeeuwse land
Me lope ier jaren achter
En me bin ok nog us onstrant

Je kan oans nie verstea
We binne ok nog stug
Voe een weekend ist we leuk
Me gi dan snel trug

Dus bluf me lekker zitte
Gi nie op een plekje te loeren
Ja zat ut nooit wenne
we binne en bluve boeren

Je mot er vast an wenne, Ut verkear dat ei nog gank
D’r is ok nog gin stadion , En ut theater da sti blank

In Vlaanderen ried gin trein, In beveland is gin kust
In walcheren e me moffen, En op Tholen zondagrust

In de zummer ist stikke vol, In de winter zie je gin kip
Dan bluft’t oaltied waaie Westenwind is un begrip

refrein

Bie Rilland in de berm, Een schande dak ut zeg
di oar eigenluk een bord mie :“dood-lopende weg”

Ier ist einde van de wereld. Rie nooit arder dan z’n twea
A je te leate remt. Dan vlieg je in de zea

In de Zak di bin gin wienkels, stappe is echt duf
an de kust is’t vee te diere, ut “goeie” is zeeuwse Blof

refrein

Ok ier is’t dik bevolkt dr weune d’r best vee
En a ze eenmaal komme Stit t’r straks un moskee

“Welkom in zealand“, ik vind ut aolemille best
Me de measte bluve ange en das noe net de pest

zelf bink ier gebore , ik kiek nie oal te naewe
K e d’r mie leare leve , ‘k wil ut voe m’n eigen ouwe

refrein

Tekst: Ruben de Jonge,
muziek: Dingeman de Visser.

naar de Deurdouwers

Deze pagina is bijgewerkt op