DE ZEÊUWSE DIEK

De dieken van Zeêland bin wereldberoemd
’t Bouwen was een êle prestatie
Ze bin vô ons Zeêuwen van levensbelang
De dieken bin de trots onzer natie
Elke dag stroômt ’t waeter d’r in en d’r uut
Mé een kracht die z’n weerga niet kent
We voelen ons veilig achter ’t talud
Vô de volle 100 procent

Je loapt op d’n diek op een zeumerse dag
Je weet nie wae je ’t eerste mot kieke
De boaten, ’t waeter, de wolken, de locht
‘t Laet zich mé niks vergelieke
Een jongen vangt krabben op de punt van de pier
Een meêuw drieft omhoôg op thermiek
Je voelt je een Vorst die z’n land overziet,
Vanaf de Zeêuwse diek

’t Waeter is vô Zeêland van levensbelang
Vô d’aevens, vissers en toeristen
Ons Zeêuwen bin vô ’t waeter nie bang

Wullie laeten ons zô maor nie kisten
’t Waeter bluuft meestal wel achter d’n diek
Al komt et soms angstvallig hoôg
We vertrouwen op Waeterstaet mé al z’n techniek
Die’n diek ’oudt ons allen wel droôg.

Refrein:
D’n diek, d’n diek, de Zeêuwse diek
Een machtig stikje bouwtechniek . . . en vô de Zeêuw een zegen
D’n diek, d’n diek, de Zeêuwse diek
Die is stik mooi en ’oudt geliek .... ’t woeste waeter tegen
D’n diek staet op de juuste stek
En ’oudt ’t waeter op z’n plek
Soms vecht ’t waeter mé d’n diek
Die strijd is meestal ongeliek
D’n diek, d’n diek, de Zeêuwse diek; zo sterk, stoer en ’oôg
Die ’oudt nog vele jaeren onze voeten droôg.

Moar oe is ’t noe mé die dieken rond de polders van “Hedwige” ....????
Laet ik daer moar over zwiege !!!!!

Tekst en muziek: Maarten Bruijnes

naar Maarten Bruijnes

Deze pagina is bijgewerkt op