HET BEELD VAN EEN ZEEUW

Ze vinde je 'n ouwe vent die angt an ouwe waerden
het beeld dat ze voe ôôhen è is't beeld van een bejaerde
zo stoffig en zo muf
degelijk en duf
een Zeeuw is dan wè vriendelijk mè ouwerwets en suf

Refrein:
(mé ik zeg) Leef ni j'n aerd,
J’n eihen Zeeuwse aerd
vertrouw op je hezond verstand
wees zuunig op het Zeeuwse land
mi beide bênen op de hrond
hoed Zeeuws ……. hoed rond

Ze zegge dat je stille stit en nie vooruut za raeke
't ontbreekt an ondernemingsgêêst om drômen wââr te maeken
dienk noe toch 's hrôôt
t'is voe j'n eihen brôôd
à je nie veranderen wil dan vâl je uut de bôôt

Refrein

Ze dienke dat het anders mot om bie te kunnen bluuven
Tradities motte overboord de normen hi verschuuven
Wil je nog respect
Stop dan mi't dialect
Een mooie Zeeuwse volzin is à hauw een spraakhebrek

Refrein

Tekst: Jan Priem, Ovezande,
muziek: Dønder

naar Jan Priem

Deze pagina is bijgewerkt op