JEARE JONGER

Ze zehhe je bin zò jong, as a je junneihe voel
Mè je mot ur zelf an werke, a je behriep wat ak bedoel
Ik bin ok wi a fuuftug, hulôôf me mè tis wear
En om de meand dan verruf ik, mun hriezer wordend ear
Jeare jonger
Voe mien hin peper mi zout
Jeare jonger
De duvel die is oud

Ik lieke nog hin feertug, luuster nù wat ak zeg
En in de sportshool treen ik dus, mun bierbuuk snel wi weg
Jeare jonger
Mù mun pilsje da stea koud
Jeare jonger
De duvel die is oud

Vandeweek op de hrôte mart, ak ut reuze nù mun zin
Ik liep lekker te pronke mi un jeugtpuuste op mun kin
Jeare jonger
Mè uutkniepe dat is fout
Jeare jonger
De duvel die is oud

Ik ha hraag lekker stappe, net of ak net ahtien bin
Mè lest kwam ik snachs mun dochter téhu, ze zei ouwe ouw je is in
Je mò nie zo overdrieve, t is beter da je in de spiehel kiek
Ik shrok me rot toen ak da dee en ik dôcht: meid jè hulliek

Jeare ouwer
Mun kop un verweerd stuk out
Jeare ouwer
De duvel die is oud

‘k Zag een leuke meid op de fiets, en knipôhù a sù dee
Ik dôht ‘k è sjans mè t was nu dur vriend die à neffe me ree
Jeare ouwer
Van scheamte kreek ut benauwd
Jeare ouwer
De duvel die is oud

Ze zehhe je bin zò jong, mè ja ze zehhe zo vee
Je bin zòvee jear as ajje bin dus di doe mut dan mè mee
Jeare jonger
Voe mien hin peper mi zout
Jeare ouwer
Mun kop een verweerd stuk out
Jeare jonge
En mun pilsje da stea koud
Jeare ouwer
Van scheamte kreek ut benauwd
Jeare jonger
Mè uutkniepe dat is fout
Jeare ouwer
De duvel en ik bin oud

Tekst en muziek: G. Weezepoel en Herrie!

naar Gerard Weezepoel

Deze pagina is bijgewerkt op