WIE EINE VOGEL OP EIN DRÖDJE

Wie eine vogel op ein drödje
Wie eine smartlap in un middernach kuuërke
Hub ich geprobeerd op mien manier vreej zien
Wie ein worm aan ein haökske
Wie ein ridder oet ein oad beukske
Hub ich al, al mien linte bewaard veur dich

As ich, as ich lomp bun wie bedstruuje
Den hoap ich desse ein geheuge hobs wie ein zeef
As ich, as ich ein bietje leeg
Den hoap ich desse wets ich leeg neet teage dich

Wie ein kiendje doêdgeboare,
Wie eine iêsbear zonger zien haore
Hub ich idderein dea mich wooj helpe vervlookt

Maar ich zjwear met dit leedje,
En beej alles wat ich fout hub gedaon
Ich zal ut good make jao good make met dich

Ich zoog eine beadelaer hea leunde op zien kruk
Hea zeat; jong de vruugs te vuul de vreugs te dök
Ich zoog ein sjoon vroumes ze leunde in ein duuster deur
Ze zumpte en zeiverde; Jos jong, woarum vreugs do neet veur miër?

Wie eine vogel op een drödje,
wie eine smartlap in ein middernacht kuuërke
Hub ich op mien manier geprobeerd vreej te zien

Tekst: Jos van Rens
Muziek: Leonard Cohen, Bird on the wire

van de cd Cohen in het Limburgs (2017)

naar PYURE

Deze pagina is bijgewerkt op