GASTARBEIDERS

In gedachte, zeen ich ut dörp
Wao ich mien jeugd heb doorgebrach
D’n directeur en de pasjtoer hadde de mach
Naor det dörp, vlak beej de Maas
Umhuld in sjtinkend fabriekegaas
Kwame minse van ver weg werke vur de baas

REFREIN:
En die gaste deeje werk wat genne mins wol doon
As dank dorveur ’n mager loën
Spanjool of Itakker genumd
Ein sigaret of ein glaas beer gegund
Maar as mins neet begreepe en det is sund

De welvaart deej ut dörp zoe good
En de burger dae kreeg weer mood
De middenstand floreerde as noëts teveur
In mine druim zeen ich ze gaon
veur de heite euves sjtaon
Maar mit ‘t lot van die minse neet begaon

Want die gaste…

As kleine jong zooch ich gen kwaod
Leep met de groëte in de maot
Nôw besef ich pas ut sjmèrige sjpel
Besodemieterd tot en met
De direkteur, auch dè wet det
Gastarbeiders verdene aanzeen en respek…

Jao die gaste…

JOOP ONCKELS

Van de cd "RUUMTE" (2002)

naar Pulsief

Deze pagina is bijgewerkt op