ICH BIN ALS LIMBURGER GEBOARE

Boave velder, dörpkes, weie
Uëver poekele van de Koel
Wil ich vlege wie’ne Lieëw’rik
’t Is dat Land wat ich bedoel

Woa ’t leëve nog geleëfd weëd
En uëver vreuger weëd gekald
Alsof de tied hei sjtil sjteet
En ós ginne dat vergalt

Wen ich zien wie hei dat hat sjleet
Dink ich: “Jong, wat wils doe mieë?”
Bin als Limburger geboare
Noe, dan loat ich dat ooch zieë

Uëver ’t ouwe kloeëster
Kiek ich noa dienge busj
Ich dink aan dieng leef leedjes
En zeuk sjteun aan d’r dusj

Wat hant ver wer gelache
Gedronke en gezónge
Wat bin ich gruëtsj op Limburg
Doa han ich mich gevónge

Wen ich zien wie hei dat hat sjleet
Dink ich: “Jong, wat wils doe mieë?”
Bin als Limburger geboare
Noe, dan loat ich dat ooch zieë

Ich wil dich geëve oane te numme
Mieng Limburgs prachtig land
Vanoet ’t hat sjrei ich dich touw
Ich bin mit dich verwant

En went doe d’r nit mieë bis
Dan weet ich ’t nit mieë
Bin als Limburger geboare
Dus doa wil ich ummer zieë

En went ich dan toch voet mot
Went miene leuper oane zank zit
Dan zien ich deë sjunne film
In klure of sjwat wit

Boave velder, dörpkes, weie
Uëver poekele van de Koel
Kiek ich mit plezeer noa ónge
En haod alling mieng moel

Tekst en muziek: Peul Jan

naar Jan Widdershoven

Deze pagina is bijgewerkt op