BLAOSMUZIEK

Ich had al twee maedjes gezeen mit achterop allebei eine saxofoon
Witte bloes, blauw bóks mit gael bieze en pas gepoetste sjoon
Nag boete 't dörp heurde ich al 't geretteketet van 'n trompet
Genóg gewanjeld, hie drinke veur ós get

In de eerste sjtraot rook 't van wied weg en ich realiseerde mich:
verrek, hie trek nag emes zóndigse soep
En det leeg geträöt van die trombones trok ós nao veure euver de sjtoep
Bie de kerk ware natuurlik weer twee cafés en 'n plein
En dao sjpeelde 'n fomfaar heel fijn:

Blaosmuziek, op eine sjone zóndigmorge
Blaosmuziek bleust mich ómver
Mit toeters en belle 'n sjoon verhaol vertelle,
Zóndigmorge blaosmuziek blaos mich riek.

Gaef mich eine blaosbas veur 't sjtevig fundament
Gaef mich sjuve en die saxe veur de moere van dees muziektent
't Vergólde kaopere daak waert door de bugels en de trómpette gemaak
En dan heurs se:

Blaosmuziek, op eine sjone zóndigmorge
Blaosmuziek bleust mich ómver
Mit toeters en belle 'n sjoon verhaol vertelle
Zóndigmorge blaosmuziek blaos mich riek

Blaosmuziek, op eine sjone zóndigmorge
Blaosmuziek bleust mich ómver
Mit toeters en belle 'n pracht verhaol vertelle
Zóndigmorge blaosmuziek blaos mich riek

Tekst en muziek: GÉ REINDERS

Van de CD D'N HAOF, 1999

terug naar Gé Reinders

Deze pagina is bijgewerkt op