D’N HAOF

16 buim op 140 veerkantje maeter
Varens, eine viever en veer viburnum struuk
En as se ins get lekkers wils ruke
Mós se in 't veurjaor komme ruke wie dae
Viburnum hie ruuk
Bie ós in...

D'n haof, d'n haof, d'n haof
Dit veult as 't landj waar ós is belaof

Achter in d'n haof, dao sjteit 'n benkske
Dao zitte veur ós zóndigsjmorges mit z'n twee
Dan loesjtere veur nao 't loeje van de klokke
Maar ich hoof neet meer, ich baej mit 'n tas thee
Biej ós in...

D'n haof, d'n haof, d'n haof
Dit veult as 't landj waar ós is belaof
Neet te geluive, wie der greujt oer water en sjtaof
Kiek, wie det hie bleujt, bie ós in d'n haof

En hie barst van de maerels mit klein maerelkes
En op häör beurt barste die beester van de maerelestróntj
En dao zin d'r bie, det zin van die klein, vrekke maerelkaerelkes
Die sjiete dich veur de peut en kieke dich aan van
waar löp dae gekke vent hie róndj

Biej os in d'n haof, d'n haof, d'n haof
Die mattiese meine det 't hie aan de maerels is belaof
Maar zelfs maerelestróntj waert mit 'n bietje water weer sjtaof
Mesjien der 't daoróm zo bleujt bie ós in d'n haof

En aaf en toe dink ich:
waat is dit toch 'n versjrikkelik sentimenteel liedje
Jóng, doe waers aad, noe geis se ech te wied
Maar dan loup ich dao en dan zeen ich zo get wie 'n sjtom vergeetmenietje
Dan wil ich dao euver zinge, det mót ich toch in `n liedje kwiet, euver...

D'n haof, d'n haof, d'n haof
Dit veult as 't landj wast ós is belaof
Neet te gluive wie det greujt oet water en sjtaof
Kiek, wie det bie bleujt, bie ós in

D'n haof, d'n haof, d'n haof
Veur höbbe al van Hedelfingers toet waem-wit-laof
En det greujt hie allemaol zo maar oet water en sjtaof
Kiek, wie der bie bleujt
Reuk wie det hie greujt, bie ós in d'n haof

Tekst en muziek: GÉ REINDERS

Van de CD D'N HAOF, 1999

naar Gé Reinders

Deze pagina is bijgewerkt op