naar Pikkatrillaz
Deze pagina is bijgewerkt op
VELDEKE
jaargang 78
2003 nr.5
Rappe
in 't plat:
PikkatrillazDe gróp Pikkatrillaz kraog in Venlo bij de nach vaan 't Limburgs leed 'ne prees veur vernuiing vaan de Limburgstaolige meziek. 't Is 'ne rapgróp oet Mestreech en veer höbbe hun gevraog wat rappe is boerum ze 't in 't Mestreechs doen.
Pikkatrillaz besteit oet vief maan: Bas Siersema (Bef), Mark Voorst (Markan), Danny Voorst (Air), Pascal Beek (Bluts) en Roel Theunisz (T-Rex). Veer praote met Bef. In 't dageliks leve is heer nachporteer in 'n hotèl. 't Is 'ne wakkere gamin want op stèl aovende sjrijf 'r dèks wel twee tekste.Wat is rappe?
"Rappe is sjieke meziek. 't Drejt ziech um d'n teks en de beat. Thema en ritme zien de kern devaan. Veer wèlle get vertèlle dat inhajd heet. Dus gein leefdesleedsjes en veer kobbe ouch gein gangtopics. Veer zien jonges vaan hei en dao wèlle veer euver zinge.
Veer zien in 1999 in De Flits in De Heeg -'n wiek vaan Mestreech- 'ne kier same gekome en veer voonte toen tot veer väöl beter rap kóste make daan al die commerciële jonges. En zoe zien v'r begonne.
Veer make de meziek same. D'n eine sjrijf 'nen teks, de aandere bekieken 'm en same goon v'r daomèt aon de geng. In 't begin dege v'r dat in 't Ingels of in 't Nederlands mek de lèsten tied bijnao altied in 't Mestreechs. Dao knege v'r op dit memint de beste reacties op. Les wanre v'r in Landgraaf en cao krege v'r de welgemeende raod tot rappe in 't Ingels of Nederlands vaol beter zouw zien um door te breke bij 't groet publiek. Och jeh, dinke veer daan: es veer met us eige materiaol doorbreken is dat prima en aanders hoof 't neet."Wie oontsteit de meziek bij 'ne teks?
'Veer hóbben allemaol wel 'ne muzikale achtergroond. Iech zelf ben begónne met 'ne band dee Downshot het. En veer kinne nog al get lui net de Mestreechse scene. Zoe höbbe veer regelmaotig gespäöld met de gitaris vaan Dreadlock Pussy of Dave 3 Moors vaan Backfire. Die kinne us helpe met 't opnumme vaan beats en gitaarlicks. Dao is ouch zoeget wie 'n rapscene in Mestreech met jonges vaan Misteek oet Bun, en Lup oet Mestreech. Veer komen us daan dèks tege op festivals wie lès in Eijsde.
Wie zuut 'n optrije vaan uuch oet?
"Veer doen sets vaan ein tot twelf nummers. Es te langer späöls is 't neet mie zoe aordig umtot väöl lui 't toch tamelik eintoenige meziek vinde. Veer neet huur! V'r kome op hiel get plaotse en v'r mage zegke tot us pebliek in de leeflied vaan tien tot tachtig is! Es 't peur um de rap geit kins te zègke tot de ionglui tösse de viertien en twintig dan ech gek op zien.
'n Optrije is nogal heftig. Rap is meziek vaan de straot dus tamelik rauw en oongelek. En dat wèlle veer gere zoe hawwe.'Höbs te zelf veurbeelde?
"Public Enemy, Paris en NWA. Ouch Ice-T is nog altied good. iech höb 'n optrije vaan de Jansse Bagge Bend gezeen in m'ne middelbare sjaoltied en dat voont iech geweldig. Ouch Johnnie Blenco met z'n euvertrokke chauvinisme sprik miech wel aon. Veer zien gewoen betrokke bij de stad, de geschiedenis vaan us stad. En de stad is ouch us thema."
De nui single vaan Pikkatrillaz het: 't Is nog neet gedoon en keump net in oktober.Mestreech, Paul Weële
naar Pikkatrillaz