TRILPLOAT

Wie brengen Grunn in koart, swingen op die trilploat,
Kiek ik swait mie kapot, lopt mie langs de bilnoad,
En al die wichter hier, ja die vinden t schier,
Beweeg die dikke batterijen in die skinnyjeans,
En dat stil blieven stoan, dat is niks veur mie,
Want as t trilt den ben ik er as de kippen bie

Keetpop, Leermens, ja doar kommen wie soamen,
Alle kerels aan t bier ja de heule oavend,
Nait alleneg roegbainders of de grootste sjompen,
Zoas in de media, mor ook gewone jongen,
Bennen hier in Grunn, woar t beeft en schudt,
En woar noast die ellende ook heul veul gebeurt

Wie bennen hier, wie bennen trots op Grunn,
Goei die scholders d'r mor onder en den mot t lukken,
t is nait het plan om vandoag de boudel op te jutten,
Mor om te trillen tot de billen uut de boksem schudden,

Uh, leg mien handen bie heur bil doar,
Ik hoop nait dat ze stil stoat,
Ik wil r zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat.

Al die sjompen op tv dai zich Grunneger vinden,
Dai onverstand van dat broezen en die andere slichten,
Wil ik mie nait mit meten, ik ken Nederlands proaten,
Hufst mie nait te ondertitelen, want de Grunneger toal,
Spreek ik alleneg in Grunn, ik goa van Pekel noar stad,
Nou heb ik zin in metworst jong, regel mor wat.

Smartphones aan de kaant of zet m op stil,
Nou is het lekker lus goan of Netflix & Chill,
Morgen mot ik weer waarken, heb een putje erbie
Den goan de handen uut de mouwen, ben gain piezelemiet,
Beun hier, beun doar, pak mien raive erbie,
En zal de boudel opknappen tot t aargens op liekt.

Wie bennen hier, wie bennen trots op Grunn,
Goei die scholders d'r mor onder en den mot t lukken,
t is nait het plan om vandoag de boudel op te jutten,
Mor om te trillen tot de billen uut de boksem schudden.

Uh, leg mien handen bie heur bil doar,
Ik hoop nait dat ze stil stoat,
Ik wil r zain schudden op die trilploat.
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,

Ik zug bewiezen van de bevens,
In de muur grafeerd stoan,
D'r is toch nog meer in t leven,
Het ken nait al zo mis goan,
Soms wil ik alles wel vergeten,
Wie hebben toch niks verkeerd doan,
- En toch blief ik schudden op die trilploat,
- En toch blief ik schudden op die trilploat,

Uh, leg mien handen bie heur bil doar,
Ik hoop nait dat ze stil stoat,
Ik wil r zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,
Uh, leg mien handen bie heur bil doar,
Ik hoop nait dat ze stil stoat,
Ik wil r zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat,
- Ik wil die zain schudden op die trilploat,
Ik wil r zain schudden op die trilploat.

Tekst: Rik Baptist en Teun Heuvel
muziek: Jeroen Russchen

van de USB-stick: Grunnegs hoop, 2019

naar Wat Aans

Deze pagina is bijgewerkt op