naar Paul MuntingTWIJ HOAZEN EN N IEGEL
twij hoazen en n iegel, dij zitten achter diek
aan noordkaant van Baarmsloot, oost-westelk van Spiek
ze zitten doar aan wegkaant bie waal van Baarmsloot
bie t letste stukje kloaver, mor hun honger is nog groot
"hou kin t toch" zegt de iegel, tegen hoaskes hail parmant
"dat joe hier zo mor oversteken, aal noar de overkaant?
want de helft van mien femilie vient bie t oversteken de dood
of ze nou haard lopen of zaacht lopen, dat is iesder om old lood"steek mor over hoaske, hoaske
steek mor over hoaske, hoaske
steek mor over iegel Prik Prik
op diek doar gruit t gras
de hoaskes kieken mekaar ains aan, mit oorkes rank en spits
"nou, ten eerste most goud oetkieken as t aan kaant van weg zits
en komt der din as doe oversteeks, toch nog n auto aan
den most tou hail goud luustern, want hier komt t op aan
n auto het twij lichten, der ridt net ain veurbie
bie de volgende goa ik doar tussen staon en niks gebeurt mit mie"
doar komt de volgende auto aan en Prik Prik kikt hail baang
mor t hoaske gaait tussen lichten deur, mit oorkes fier en laangsteek mor over hoaske, hoaske
steek mor over hoaske, hoaske
steek mor over iegel Prik Prik
op diek doar gruit t gras
Prik Prik kin nait geloven dat t hoaske doar nog zit
hai snuut zien neus en denkt verrek, verrek man, hou kin dit?
nou is t de beurt aan Prik Prik dat mot hai toch, ook kinnen
hai lopt noar t midden van weg tou, t is wel even wennen
en doar kommen twij lichten aan, Prik Prik runt der mooi recht veur
morsdood ligt e doar op weg, ien n donkerrooie kleur
de hoaskes zeggen aal kiekend noar Prik Priks platte liek
"ze rieden der toch nait veul meer, drijwielers achter diek!"
steek mor over hoaske, hoaske
steek mor over hoaske, hoaske
steek mor over iegel Prik Prik
op diek doar gruit t grasTekst: Paul Munting
muziek: traditioneelvan de cd: n Vlaigende dagdreum, 2004
naar Paul Munting