GAIN AINE WAIT

Astoe lopst te dwoalen wies k die de weg
Komst nait oet dien woorden, k wait wel wastoe zegst
k Blief din noar die laggen al zai k t verdrait
k Roak die even zachtjes aan, al vuilstoe mie ook nait

Kom elke dag even bie die meschain hest ook wel wìnst
Bist nait meer zo astoe wast blifst toch gewoon n mìns
Van wat der om die tou gebeurt krigst nait veul meer mit
Dien klokje tikt al mor deur, op weg noar d' leste rit

Dien wereld wordt al klaainer en deur gaait langzoam dicht
Elke dag n nije stap op weg noar t aiweg licht
Vroagen zunder antwoord wat gaait der in die om
Gain aine dij dat zeggen kin, gain aine wait woarom

Dingen dijst nait meer waist noamen dijst nait kinst
Liekst nait meer op wel doe wast zo onherkenboar bist
Schimmen oet t verleden, gedachtenloze doagen
Grinzen worden aal verlegd, beelden dij vervoagen

Omdast t vergeten bist vertel ik hou ik hait
k Zeg die dat ik bie die heur, want zulf hestoe gain wait
k Neem die mit veur aiweg woar al mien wegen goan
Nuzzelst die hail daip in mie, tot ind van mien bestoan

Dien wereld wordt al klaainer en deur gaait langzoam dicht
Elke dag n nije stap op weg noar t aiweg licht
Vroagen zunder antwoord wat gaait der in die om
Gain aine dij dat zeggen kin, gain aine wait woarom

Dien wereld wordt al klaainer en deur gaait langzoam dicht
Elke dag n nije stap op weg noar t aiweg licht
Vroagen zunder antwoord wat gaait der in die om
Gain aine dij dat zeggen kin, gain aine wait woarom

Gain aine dij dat zeggen kin, gain aine wait woarom
Woarom , woarom, woarom

Tekst en muziek: Evert Kruizinga
zang: K Twije

van de single-cd: Gaina aine wait, 2019

naar K Twije

Deze pagina is bijgewerkt op