CUBA BLUES

As ik denk aan mien vekaanzie
Blief ik altied mien provinzie trouw
Moar n haile bult stadse vraauwlu
Dij willen allemoal noar Cuba tou

Doar willen ze daanzen mit zo'n olle kerel
Mit van dei griephanden en zo'n schudelgat
Nou den zeg ik: wichter, hier in Grunnen
Hebben wie zulf van dat soort kerels zat

Wichter blief toch thoes
Want zunder vraauw is ons leven zo graauw
Wichter blief toch thoes
As kriegen wie de Cuba blues

As joe bie ons provinzie kommen
Dan wor je altied mit open aarms begroet
En as ik daans mit n mooie vraauw
Dou k hoast altied mien klompen wel oet

Ik heb n lekker zaachte pens van t zoepen
Ik heb elke dag de piepen wel vol
Moar as je ooit mit mie op ber kroepen
Dan krieg je wel degelek n grunneger bol

Wichter blief toch thoes
Want zunder vraauw is ons leven zo graauw
Wichter blief toch thoes
As kriegen wie de Cuba blues

Ons pronkjewaail van een previnzie
Het n landschap dat nooit verveelt
Mit zien aangeveegde nijbaauwwieken
En zien enorme lappen monoteelt

Wichter blief toch thoes
Dou wat ik kin
Moar mien leven het zo gain zin
Wichter blief toch thoes
Het is moar een vroag
En ik wil joa zo groag
Wichter blief toch thoes
Want zunder vraauw is ons leven zo graauw
Wichter blief toch thoes
As kriegen wie de Cuba blues

Tekst: HARRY NIEHOF

van de cd: Cuba blues, 2004

naar Harry Niehof

Deze pagina is bijgewerkt op