naar Hans van der LijkeDeze pagina is bijgewerkt op
NAIT OP VERDOCHT
Tied is n daiplood veur aiveghaid paailen
mor aiveg is aaltied - is laanger as laang.
Tied is mandaileg zo laank as wie dailen
binnen wie nait ainzoam en binnen wie nait baang.
Tied komt mie sums en din even aan scholder.
Nait op verdocht en din krieg ik n schrik.
Kerel in spaigel liekt mainsttied veul older
mor ik ontkom der nait aan dat bin ik.
Tied lat de joaren bie lutjen vervoaren.
Kommen en goan dat is tij dat is tied.
Voutstappen goan onderwegens verloren
mor winst en herinnerns dij wor je nait kwiet.
Tied slit aan aals - aan baargen en bomen.
Dut veul vergeten bringt sums wat aan t licht.
Tied kin gain mins kin gain moes aan ontkommen
Tied krigt op t laangelest aals weer slicht.
Tied kin t nooit wachten om laanger te blieven.
Nait in oktober en nait in april.
Kinst tied vergeten of even verdrieven
Mor tied daldert deur - holdt zien woagen nait stil.
Tekst en muziek: Hans van der Lijke
van de cd: Dagbouk van n troubadour, 2015
naar Hans van der Lijke