ODE AAN DE MARTINITOREN

Dei olle, grieze toren,
Doar aan dat olle plain,
Dei blikt in ale tieden
Mit onze stad doar ain,
Wat of d'r maag gebeuren
Wat of d'r ken vergoan,
Dei olle, grieze toren,
Blift altied doar bestoan.

Doar aan dat olle maarkplein,
Woar vin je ziens geliek!
Doar stait dei olle toren,
Net as een held geliek,
Dei dailde mit de stad doar,
Heur raampen en gevoar.
En toch stait d'olle toren,
Nog even stoatig doar.

Is men ais joaren wegwest,
En zai je weer joen stad.
't Is net, of je dei toren
Den nooit verloren had.
Aal 't olie is verdwenen,
De weemoud gript joe aan.
Ain vrund is joe door bleven,
Dei toren blikt joe aan.

O olle, grieze toren,
Doar aan dat olle plain,
O, blief door altied prieken
Doe bist mit stad ja ain.
O, olle trouwe wachter,
Blief altied doar bestoan!
Loat laang dien woakend oog toch,
Over d' olle stad nog goan!

Tekst: HERO GERBEN BLEEKER

uit het zangspel De Lindenbörg, 1924

naar Hero Gerben Bleeker

Deze pagina is bijgewerkt op