MAXIE JAKKER

Smörgensvroug gaait zien wekker
Den springt hai op zien trekker
en scheurt hai mit n rötgaang deur t dörp
De minsen schrikken wakker
in de ban van zien gejakker
Mor dat het e nait echt recht deur

Ze nuimen hom Maxie Jakker
Echt n roege makker
Nee, dij holdst doe nait zomor tegen
Jantje Voel-om-de-kop
Het gain tied veur n stop
en elkenain verschait van kleur

Oh Maxie Jakker
is n roege rakker
Broest haard mit zien trekker laangs de deuren
Oh oh oe Maxie Jakker
moakt de minsen wakker
en van opholden wil hai niks heuren

Op zien braggelklompen
Liekt hai aine van dij sjompen
Doe kinst der ook nait echt van op aan
Mot gainaine wil e proaten
Hai holdt joe in de goaten
Mor wil haildaal niks van die waiten

Oh Maxie Jakker
is n roege rakker
Broest haard mit zien trekker laangs de deuren
Oh oh oe Maxie Jakker
moakt de minsen wakker
en van opholden wil hai niks heuren

Op n dag kwam hai in nood
Ree mit trekker in de sloot
Joar noa Joar wist hai te overleven
Hoi mos waarken veur zien brood
Van zien geboorte tot zien dood
t Gejakker brocht n ènde aan zien leven

Oh Maxie Jakker
was n roege rakker
Broesde mit zien trekker laangs de deuren
Oh oh oe Maxie Jakker
huil de minsen wakker
Nee, van opholden wil hai niks heuren

Tekst en muziek: Fries Wolma

van de single Maxie Jakker, 2018

naar Zuver Scheerwol

Deze pagina is bijgewerkt op