BELOOFDE LAAND

Wil de duvel mit die daansen
of zuikst troost in staarke draank?
Den vuilst die even beter
mor dat duurt maisttied nait laank
Wilst n plekkie in de hemel
den most der echt wel wat veur doun
mor komst al n huil ende
mit wat laifde en fersoun

Klap in haanden veur de Heere
stamp dien vouten veur de Boas
want wast doe nog most leren
Jezus is gain Suntnikloas
Bist al zo dicht bie de hel west
dat de huud die is verbraand
Der is mor ain dij de weg kin wiezen
noar t beloofde laand

Geef die over aan de schepper
wiek nait of van t rechte pad
want wie binnen apmoal pelgrims
onderweegs noar heil'ge stad
Doar is n stee veur elke zundoar
azze mor op knijen gait
want de lèsten binnen de eersten
dat is wat in biebel stait

As de lèste dag is kommen
en wie voaren hemelwoarts
den zolt wel n drokte wezen
mor veur elkenain is ploats
en wat die ook bekommert,
zet dien zörgen mor an diek
want dij steile weg noar boven
brengt ons in t hemelriek

Klap in haanden veur de Heere
stamp dien vouten veur de Boas
want wast doe nog most leren
Jezus is gain Suntnikloas
Bist al zo dicht bie de hel west
dat de huud die is verbraand
Der is mor ain dij de weg kin wiezen
noar t beloofde laand

Tekst en muziek: Bert Hadders

van de cd: De Bosklopper-tapes, 2014

terug naar Bert Hadders
Deze pagina is bijgewerkt op