naar Bert HaddersDeze pagina is bijgewerkt op
SLIETOAZIE AAN T BENUL
Doe zitst hier wel moar bist der nait
gedachten in t verleden
dien haart dat kin nog joaren mit
mor t benul is zwoar versletenIk kom hier voak, al kinst mie nait
en aaltied vroagst hou of dat ik hait
of we mekoar al eerder tegenkwamenDien bruier is hier lest ook west
hij het hier uren zeten
dien bruier is al joaren dood
mor dat bist den weer vergetenIk kom hier voak, al kinst mie nait
en aaltied vroagst hou of dat ik hait
of we mekoar al eerder tegenkwamenen gustern wolst mie nooit meer zain
gain vrumden in dien koamer
vandoage slepst al in dien stoul
dij heb k nog kocht bie Kruut en Kroameren soavends zit k allenig thuus
in ons verkrödde olle huus
en denk an hou het was en hou t zel wezen
en denk an hou het was en hou t zel wezen
en denk an hou het was en hou t zel wezen
en denk an hou het was...Tekst en muziek: Bert Hadders
van de cd: De coöperoazie, 2012
naar Bert Hadders