meert 2010, |
Dag van de Grunneger Taol op het web |
GRUNNEGER SCHRIEVERS KENNISMOAKEN
HARRY NIEHOF
HARRY NIEHOF
Harry Niehof is van 1954 en is opgruid ien Middelsom, woar elk en ain de Hogelandster variant van t Grunnegs prout, behaalve de kiender van de notoabeln, dij prouten Nederlands. Van beroep is Niehof muzikant en ondertitelvertoaler. As zanger perbaaiert e soul, blues en folk mit nkander te verbienden, mor oetindelk vuilt e hom popmuzikant, ien dij zin dat e altied perbaaiert om kernachtege laidjes te schrieven mit waaineg woorden en veul zeggenskracht. En doarveur laint t Grunnegs hom oetstekend; Niehof viendt t n slim zingboare toal. Hai het drij cd's oetbrocht: Cuba Blues (met Los Bomberos), Altied onderwegens en Straks is t weer janken.
Niehof is bezeg mit n nij laidjespergrammoa dat kommend noajoar ien de theoaters komt, onder de titel Van Middelsom noar Madrid.
