28 februari 2012 |
Nieuwe Ooststellingwerver op het web |
Volle zael in Else geniet van ienakters
ELSE - In kefé ’t Anker in Else is zaoterdag de twiede ienakteraovend holen, die de Stellingwarver Schieversronte orgeniseerde vanwegens et 40-jaorig jubileum van de stichting. Veur goed honderd man pebliek wodden twie Stellingwarver ienakters opvoerd.
De eerste was die van ‘Nut en genoegen’, de tenielklub van Buil mit de speciaole jubileumienakter ‘Veertig jaor, et Fesien’ van Harmen Houtman uut Et Vene. De twiede ienakter ‘Een schoon milieu kost een protte centen’ van Johan Veenstra, wodde naor veuren brocht deur de Elsiger tenielklub (foto). Veur et muzikaole pat van de aovend zorgde et Elsiger Smatlappekoor ‘Elser Smart’ o.l.v. Janny Bakker en mit begeleiding van akkordeoniste Ria Bakker.
