'K HEB JOE LIEF

Ik heb joe lief mien mooie Drenthe
Ik heb joe lief mien Drentheland
Met joen bossen en joen heide
En joen rekreatiestrand
Joen klein verstilde dörpies
Waor rieke stinkers woont
Joen briede autostraoten
Voert oes langs al dat schoons

Ik heb joe lief mien mooie Drenthe
Ik heb joe lief mien Drentheland
Het vuilnisvat bist doe veur alles
Alle troep giet under het zand
Ok al stopt ze in joen eerde
Atoomafval uut het land
Ik blief van Drenthe hollen
Ik heb an joe mien hart verpand

Ik heb joe lief mien mooie Drenthe
Ik heb joe lief mien Drentheland
Den Haag zien undeurdachte daoden
Brengt mij dikkels van 't verstand
Veur joen schoonheid zal ik strieden
Veur het mooie wat joe rest
Al het liefst wat hej te bieden
Mag niet meer wödden verpest

Ik heb joe lief mien mooie Drenthe
Ik heb joe lief mien Drentheland
En volk wat heurt hier naor mien liedtie
Blief strieden hand in hand
Gien atoomafval in Drenthe
Gien militair op oeze hei
Holt Drenthe veur de mensen
En daor heur ie allemaol bij

DICK BLANKE

op de cd T.J.A. terug ... in de box

naar Turf, Jenever, Achterdocht

Deze pagina is bijgewerkt op