HET VELD BROEN EN SANG

wij kwamen hier oet Bentheim,
Grunnen, Friesland en Dedemsvaort
wij kwamen um 't wark
naor ’t Bourtangermoor
wij warkten in ’t veen
al generaoties lang
allèn de staarkste overleeft
op 't veld broen en sang

tot de kneien in de braggel
ik dee alles met de haand
ik waarkte mij in 't zwiet
veur dit neie laand
't Californië van Drenthe
was waor mien toekomst lag
wij waarkten tot zunsundergang
veur 'n daolder per dag

ik bouwde mij bij naacht
'n hut veur mien gezin
daor leefden wij met hoop
en van 'n beetie gewin
ik kwam hier niet op zuuk
naor 'n kort aoventuur
mien haand bleef van de draank of
mien kop vrij van dat vuur

maor in de haarfst van 1920
stun de torf nog op ’t laand
in Klazienaveen brak 'n opreur oet
de torf vleug in braand
't bruide al zo lang
warken kun niet meer
wij vuulden oes zo machteloos
en kwamen in 't geweer

deur 't systeem van de heren
gruide ’t verzet
wel doezend keerls en vrouwlu
jongs en wichter leupen met
wij trokken dwars deur 't veld
naor de Weerdingermond
de plietsie kwam maor kun niks doen
die stun op vrömde grond

eerst sneuvelden wat roeten
bij de christelijken thuus
doe weur de stried aal feller
der waren revolvers in de buus
't veld stun in braand
de naacht kleurde rood
ik weur bang veur’t vuur
ik weur bang veur de dood

tien weken hebt wij staokt
tien weken zunder geld
mien hoop was kepot
ik was mu van ’t geweld
ien reup nog 'Kom, wij gaot deur
al vecht wij oes dood
wij bint solidair
verdiel de lèeste snee brood'

EGBERT MEYERS

op de cd Dreuge dunder

naar Egbert Meyers

Deze pagina is bijgewerkt op