VERGRUID
Bij oes in d’ hof daor stiet een boom
al zo lang a’k heugen kan
en in de schade van zien bladern
speulde ik as jong en rust ik oet as man
De karven in zien bast van liefdes van weleer
vertelt ‘t verleden sneden in holt
van lu die ooit ok jong waren,
lichtkaans oet de tied grootkaans bint zie old
Want zien wortels gaot veul dieper
as de groeven in zien stam
En as e dan ies snuid wuur
wosden d’enten dubbel zo lang
En kiek toch hoe e bluit
oeze boom is nog veul meer as ik
met dizze grond vergruid
Hier vanof de es zie ‘k hum al staon
met zien kroen hoog in de locht
t monument van dizze rieke grond
van turf, jenever en achterdocht
Want zien wortels gaot veul dieper
as de groeven in zien stam
En as e dan ies snuid wuur
wosden d’enten dubbel zo lang
En kiek toch hoe e bluit
oeze boom is nog veul meer as ik
met dizze grond vergruid
Deze pagina is bijgewerkt op
naar Bert Kamping