EBEN HAËZER


M’n opa was een dwarse man, z’n oar stoeng alt recht overènde
Die zettende z’n eigen koers uut, omdat ie schipper was gewist
die raapten èrpels op et land, in laaide bjitten op de kaaie,
Maar al die jaren aan de wal, moetiet water zjirre èn gemist

Eben Haëzer, of Carpe Diem, da was gjin name voo zen bwoot
Z’n schip da gieng recht overt water, wovèrdig in het morgenrood
Maar atte reize dan voobie was, voertie oonder bwomen nènsetènt
Dan giengtie eindelieng op uus aan, over het kanaal van Gent

M’n oma was pas zeventiene, toen aa ze al een kind verloren,
Toen ak klein was stak ze me in bed, ik zag der viengers zwart van koperpoessen
Ze was al jarenlang getrouwd, maar as mevrouw wier ze nooit aangesproken
Ze èt der jille leven lang, maar een jil klein plekje ingenomen

Eben Haëzer, of Carpe Diem, da was geen name voo der bwoot,
Ze aad een scheepje vol mee zurgen, daar voer ze op tot an der dwoot
Maar atte reize dan voorbie was, dan ging ze langs de bwomen nènsetent
Dan gieng ze eindelieng op uus aan, over het kanaal van Gent

Het is misschien wel oonderd jaar, daddik noe terug kan kieken
De wèreld zit wat anders in mekaar, maar ik vaar nog langs dezelfde dieken
Ik zwerf wè op het internet, ik èn de wèreld dienk ik aan m’n voeten,
Maar atten avond dichterbie komt, wil ik over het kanaal na Gent

Eben Haëzer of Carpe Diem, da zien gjin namen voo men bwoot,
Ik volg een route vol mee kroenkels, de wèreld liekt me soms zwo groot
Maar ak dan moeg bin van men eigen, ga ik langs de bwomen nènsetent
Dan riej ik langs de lintbebouwing, dan volg ik het kanaal na Gent

Tekst en muziek: Ries de Vuyst
(van de cd Killing the blues)
terug naar Ries de Vuyst

Deze pagina is bijgewerkt op