OALES WOR AARS

Mie z'n oalen zwemme
Dat dee je in de kloot,
ni dn overkant toe
Da dee je mie een boat

A je noe de schelde in spriengt
Bin je nie hood in t oat,
Zwemme bie dun inleat
Dat wor noe glad je dood

Refrein :
Oales da verandert
Oales wor glad aars
Oales wor glad anders
‘tis op zich niks raars

uenik op je stutte
wor honing op je broad
een dulve mie un putte
is een kikker in de sloat

Un murpel wier een knikker
Een druksje aetjen toen drop
Een mietje wier een flikker
En un fiasco wor een flop

Refrein

Een angslot op de deure
Was un wurfel op ’t klienket
Sondags een eindje keure
Noe brunche we ant buffet

Vroeger was je slank,
Atletisch, jong en vlug
Kiek noe in de spiegel
Je ziet-er niks van trug

werke voe een hulden,
een vufje of een riks.
Noe werk je voe een euro
Me eigenluk ist voe niks

Refrein

Tekst: Ruben de Jonge, 's-Heerenhoek
Uitgevoerd door Bennie Hek en de Houdoes.

naar Ruben de Jonge

Deze pagina is bijgewerkt op