ZÊÊUWSE KERST

Ônder de bôôm’n
‘ôôr je de tôôn’n
van kerstliedjes
die worr’n gezông’n
deu oud en joeng.

Refrein:
Sleetje riej’n is t’r nie bie.
Wan snêêuw’n doet ut nie.
Da bin de wèns’n
van alle mèns’n
mao die witte kerst
kom maor nie.

Op de raodio ‘ôôr je kerstmeziek
van pop, rock, mao ook klassiek.
Oe leutug al die ouwe kraokers
en kèrsjes bin de sfeermaokers.

refrein

Gezellugheid kent gêên grènz’n.
De joenge en ook ouwe mèns’n
‘ouw’n van deze schôône daog’n.
Dus, êêle prettugge Fêêstdaog’n.

refrein (3 ×)

Bluuf ‘ouw’n van mekaor.
En un gelukkug nieuwjaor.

Tekst: J.C. ( Hanny de Backere)
muziek: Deo Volente

naar Hanny de Backere

Deze pagina is bijgewerkt op