t LIEPKE

Oo, har ik blauwe oogn as de oondergoande moan.
Oo, har ik stearke been woar k strabaant met kon goan.
Oo, har ik nen dichtn jas woar gin reagn deur kon sloan.
Joa, dan gung ik gauw noar t Liepke
biej den kachel met dat piepke.
`Annie, doot miej n pulken bier.'
En dan zetn zee t veur miej too
en dan zea-r e: `Zoo dan?'

Oo, har ik broene oogn as kastanjes veur de groond.
Oo, har ik harde kaakn, schearpe taande in n moond.
Oo, har ik nen stearkn wil as ne stoontvleeg an t plafoond.
Joa, dan gung ik gauw naar t Liepke
biej den kachel met dat piepke.
`Annie, doot miej n pulken bier.'
Dan zetn zee t veur miej too
en dan zea-r e: `Zoo dan?'

Noe heb ik rooie oogn as de oondergoande zunne.
Noe veur ik met miene fietse de Breemarsweg hen en wierumme.
Noe zeuk ik dat boerderiejken, k heb t nich meer wier evundn.
Vort is noe kafee t Liepke,
vort den kachel met dat piepke.
Annie is dood, gin pulken bier zet zee ooit nog veur miej too.
Nooit zeg zee meer: `Zoo dan?'

Tekst: FRED VAN DE VEN
Muziek: TRIOOO

Van de cd "Zo dan!" (1998)

terug naar Triooo

Deze pagina is bijgewerkt op