KÖLSE


Kump ut einde van dit laeve dichterbeej
En in ein sekónde vluug herinnering veurbeej
Kwaam dan spiet veurop en alle heimwee van gemis
Of juus alle moeëjs wie
Lol met mien vrinde, wae ik beminde, gebaorte van kinder
De straot van mien jeug en kölse op ‘t plein

Is de doed niks anders dan de euvergang nao
Ein niej laeve en dringt ‘t dan intelik tot dich door
Det waat werkelik telt is leefde en geborgenheid en ‘t trouw zien aan
Al dien talente, moeëje momente, mier gaeve dan neme
Euvervlood deile, gewoeën gelökkig zien

Einzaam waere we gebaore en einzaam sterve weej
Wievuuël moeëjs ouk um ós haer
Iddere sekónde bringk os de letste doeënderbeej

Lol met mien vrinde, wae ik beminde, gebaorte van kinder
De straot van mien jeugd en kölse op ‘t plein
Lol met mien vrinde, wae ik beminde, gebaorte van kinder
De straot van mien jeugd en kölse op ‘t plein
Kölse op ‘t plein, kölse op ‘t plein

Tekst en muziek: JOS HOL
van de cd Verlange, 2011
terug naar Jos Hol

Deze pagina is bijgewerkt op