WIE HEL IS D'R BOAM


Lang geleije in sjieke kleijer
Sjmeet se dien kleng geld noa zjwervers, die erm sjöap
“Gezeever” dach se als ze zagten:
“Pas op kink, gank neet te deep als se neet zjwumme kins”
Weë neet woar zoëals dich, lachdes du oët recht in hun gezicht
Mar woa is noë dien helle sjtum en sjlik se noë d'r sjtolz mar in
Als se mijlendeep mos graven noa ing druug viës ouw botterham

Wie hel is d'r boam
Wie hel is d'r boam
Als se van zoë hoëg vils
Zonger valsjerm springs
Wie unne baksjteën zinks

Noa de betste sjoële gong se
Mar de diekste eapel komme miëstal van d'r sjtomste boer
Dien lippen en dien naëgel roëd
Du wos good wie dat moët, mar sjat wat witse noë
Du sags ich bin sjterker dan hem, du sags hee kriet mich toch noëts kleng
Mar noë sjteese hië met leëge heng, met mar één dink dat ze vullen kin
Du twiëfels, sjtaps in, heë riëd voet, driënt noets mië um

Wie hel is d'r boam
Wie hel is d'r boam
Als se van zoë hoëg vils
Zonger valsjerm springs
Wie unne baksjteën zinks

Du gaapdes um d'r goochelaar
D'r acrobaat deë vuur dien naas d'r nak bauw brikt
Als se ummer anger luu vuur dich liëts loape
Lierse noëts wie se mos sjtoan op dien eige bing
Met diene prins op zien witte hingst, op elke vroag un antwoord, vuur elke pieng un pil
Mar noë bliek wat heë verkocht allemoal gebakken loch
Heë kleide dich gans oët, klauwde al dien kleier, zelfs dien ongergood

Wie hel is d'r boam
Wie hel is d'r boam
Als se van zoë hoëg vils
Zonger valsjerm springs
Wie unne baksjteën zinks

Zongebroënde, frischgewesje
Luu besjtelle dure flesje, drinke, dinke dat ze hiël get zint
Och du driegs unne gouwe rink
Het enige dat noë nog blinkt, kink, verkoop dat dink
Du vongs 'm leef, zoë sjattig kleng, mar heë woët groët, met sjerpe teng
Heë gromt, hat honger, heë mot getemt, du goafs al alles voet, noë och dichzelf
Mar vrees um te verleëze kinse neet als se nieks mië has

Wie hel is d'r boam
Wie hel is d'r boam
Als se van zoë hoëg vils
Zonger valsjerm springs
Wie unne baksjteën zinks

Oorspronkelijk: Like a rolling stone
Tekst en muziek: Bob Dylan
Vertaling: Joep Conjaerts
terug naar Joep Conjaerts

Deze pagina is bijgewerkt op