D'r Troebadoer op het web

Prinseroad Zumpelveid in finale PLK

ZUMPELVELD - Wat allemoal mit inge joeks begoon is wirkliegheed woeëde in d'r Prinseroad van C.V. De Woeësj-joepe. Vuur ee paar joar tseruuk koame vier op 't idee um mit os allemoal inge sjlager tse zinge mit de sjlagerzietsong, doabeij woeët al direk gedaat aan inge gowwe vrungk van d'r Prinsoad, d'r Jan Lenzen, um vuur os inge tekst tse sjrieve mit de woad 't moeër waal inge walzer weade.
Noa ee paar daag loot d'r Jan os wisse, jonge iech han inge sjlager vuur uuch veaëdig, vuur de moeziek koeëte vier ginge besser bedingke wie d'r Peter Bartholomè oes Booches, en dea houw dat al gouw in ee gezet.
En als of 't zoe zieë moeët hoalete vier mit de sjlagerzietsong d'r le pries.
Zoe houw 't ooch dis joar gegange mit d'r allang vuur gidderinge bekende sjlager “IECH HAN DE KNEUF AAF”, welke vier ooch ingesjikt haat vuur ‘t PLK, tse wisse 't Parksjtad Leedjeskonkoer.
Doabeij is ko'me vast se sjtoa afgeloofe donnesjtich dat vier doa de finale moage mithelle, en dat is vuur os ing ier, woabeij vier alvas geer dangke zaage nit alling aan die luuj die mitgedoa hant als telefoon-jury, mer zicher aan d'r Jan en d'r Peter, dangke vuur 't mithelle.
Noe is d'r 22e jannewaar in 't Corneliushoes in Healeheij, de groeëte finale van 't Parksjtadleedjeskonkoer, woabeij vier natuurlich op zuk zunt vuur zoe veul meugelijk Woeësj-joepe fans.
Ver gaeve dan ooch aa, dat kaate vuur die geweldige finale tse kriege zunt beij d'r sigarewinkel an d'r May en 't Anny Jansen an de Irmsjtroas i Zumpelveld.
Hoffentlich wilt uur doa aa mit helle zoedat vier uuch doa mit ing groëte massa moage begrusse. Vier vruije os alvas op dea daag en zalle zigher d'r vuur goa um dea groëte becher mit noa de Woeësj-joepe tse bringe. Mit dank aan gidderinge zaage vier geer bis d'r 22e jannewaar in't Corneliushoes in Healeheij,
Prinse-road Zumpelveld.

terug naar Prinse-road Zumpelveld

Deze pagina is bijgewerkt op