ZO VOAK ZO DICHTBIE

refrein:
Doe wast zo voak zo dichtbie
mor ik kon die nait zain
was't der altied veur mie
veur die was der mor ain
wast voak zo dichtbie
mor ik kon die nait zain

Verloren binnen de joaren
ik von ze nait werom
mie deur de vingers gleden
woar ik zelf bie ston

Ik heurde die wel proaten
verston nait watoe zeest
ik vuulde zölfs dien aarm nait
doust hom om mien scholders deest

refrein en interlude

Ik was dou nait te holden
k vloog achter alles aan
gain bokkesprong te dol
gain brug mie oeit te vaar

Mor t laifst onder mien oogen
zag ik dou nait stoan
met lucht miezulf bedrogen
en aal mien tied verdoan

Tekst: ANDRÉ BRALTS
Muziek: JOOP DOUWMA

dit lied kwam tot stand dank zij de medewerking van de Stichting Nij

terug naar Woarom Nait?

Deze pagina is bijgewerkt op