SCHELDEN DUT INAINS WEL ZEER

De koegels en de messen verdringen t schrieven van de gedachten
De grootste idioten lopen lös, de gekte is compleet
De mannen mit macht binnen machteloos en kieken gaauw aander kaant op
Alles gebeurt in Godsnoam en woar is de profeet?

De hufter is de marteloar van zien aigen bedenksels
De gek is de haalfgod van zien idiotenleer
t Gezond verstaand dat schoamt zok dood en wait nait wat e doun mout
En schelden, schelden, schelden dut inains wel zeer...

De koran en de biebel en der is gain tolerantie
Christallnacht en symbolen en aan t čnde loert de dood
t Veurbeeld in mien kop gaait noar negentiendrijendatteg
Wat is dij God veur n kiddel? Woarum is Allah groot?

Woar is respect? Wat is der loos? Woarum op twij gedachten?
Wat het "Submission" doan mit ons cultureel klimoat?
De kwetsboarhaid van minsen en de angst om te verlaizen
De aine helft dij laacht zok röt en de aandern dij binnen kwoad

Tekst en muziek: ALEX VISSERING

van de cd/dvd: n Stukkie van miezulf

terug naar Alex Vissering

Deze pagina is bijgewerkt op