AS DOE DER NAIT BIST

As doe der nait bist
is der veur mie nait veul aan
Ik zit wat te wachten naargens op
Ik wait woar doe bist
En ook woarom doe most goan
mor doch denk ik dat t aiglieks aans is.

As doe der nait bist, as doe der nait bist
wait ik nait wat k aanmot mit dag
grote lege stroaten van Stad
Ik heur miezulf proaten, joa ik heur miezulf proaten
en als ik luuster is t dien noam
dij deurklinkt ien elke zin dij ik zeg.

As doe der nait bist
verdwient oam oet dingen
en muziek van laidjes dij ik zing
Ik heur miezulf roazen
En ien lijte van stilleghaid
is t zo kòld da’k der aal nait wezen kin.

As doe der nait bist, As doe der nait bist
kiek ik mit lege vrumde ogen
ien spaigel noar n kop dij k nait kin
Ik zai miezulf goan, Ik zai miezulf goan
van aine kaant noar aander
en din terug, aals mor deur, woar ik ook bin.

Tekst: Ronald Ohlsen
Muziek: Edddie Loonstra

van de cd: Aanspould, 2014

naar Roel van der Zee

Deze pagina is bijgewerkt op