VANOAVEND

ik stoa veur de spaigel
het liekt mie wat
mien hoar achterover, nat en glad
ik denk dat ik em vanoavend goa roaken
een nij overhemd
ik heb em streken
en zulfs de kroeg bin k nait vergeten
k hoop dat heur reaktie der wezen mag

ik kiek ien de spaigel
en leeg mien neus
en achter mien oren
joa doar is het dreug
ik goa vanoavend onder t loaken

hol mie vast want ik bin nait te holden
hol mie vast want ik knap em der veur

wel doar loop ik din
ien mien nij overhemd
bestel een grode, want ik bin een vint
ik wait zeker dat ik em vanoavend zol roaken
ik stap op heur oaf
en stel mie veur
"wolst wat van mie drinken
dat gait altied deur"
ik leuf dat heur reaktie een aander was

ze schudt van nee en draait zich om
ik vuil mie wat doezeleg en oareg dom
ik stoa ien mien hemd
moar loat het nait maarken
toch heur ik om mie hin, summigen lagen
ik denk dat ik vanoavend ain goa roaken

hol mie vast want ik bin nait te holden
hol mie vast want ik knap em der veur

ik zet het op 'n zoepen en waggel noar hoes
het sleutelgat is vot en der is gainent thoes
ik spaigel miezulf ien het roam
moar zei miezulf nait ais
nait als meer stoan
ik wait zeker dat ik niks meer zol roaken

Tekst en muziek: Martin Korthuis

van de cd: Vrij zunder schuld

naar Martin Korthuis

Deze pagina is bijgewerkt op