MAMME VAN MICHEL

Michel was n jonkie bie ons in de stroat
Kast van n hoes en n beste lap grond
Kwam wel es aan moar t was gain kammeraod
Dat werd aans toun ik zien moetje in de toene vond

k Laip langs t hekkie en hij vroug mie: komst speulen
Had de mainste He-man poppen van ons apmoal
En doar was dij stem, de broene bainen, schiere heupen
k Was haildaal van slag en zo was t verhoal

Strak blaauwe lucht, de zunne in braand
Wat k toun zag, kon der naait bie mit mien verstand

De mamme van Michel lag topless in toene
Topless in toene, k wis nait wat k zag
De mamme van Michel, aan heur wol k mie doeken
Mit heur wol k wel smokken, k denk nait dat t mag

‘s Nachts was t woulen en t duurde wel weken
Mit oogjes zo groot was ik doags bie Michel
Mien laif wos van niks en ik haar t bekeken
Mit heur wol k verkeren dizze zummer nog wel

Strak blaauwe sloggy, mien haart stond in braand
Traauwadvertenzie kon zo in de kraant

De mamme van Michel lag topless in toene..

Leste week augustus, eerste regen en kolle
Körde boksems, sandoalen weer in kast
Mamme van Michel gewoon weer in de klaaier
En ik noar schoul in gedachten, de haarfst in en dat was t

Strak blaauwe ogen, de zunne in t hoar
Eerste vraauw van mien dreumen, ik was krapaan 9 joar

De mamme van Michel lag topless in toene..

Tekst en muziek: JAN HENK DE GROOT

van de cd: Weerom, 2013

terug naar Jan Henk de Groot

Deze pagina is bijgewerkt op