TOAL EN TAIKEN

TIEDSCHRIFT VEUR GRUNNEGER KULTUUR

Toal en taiken op het web

t Goie leven van Lianne Abeln

"Al sunt mien vrougste kindertied heb ik zongen, van˛f 1980 heb ik ploaten moakt en spaigelploaten, en nou krieg ik kaans om een deus soamen te stellen mit doarien 2 spaigelploaten woarop 44 van mien laifste laidjes te heuren binnen, plus nog n spiksplinternije mit 18 nummers dij nog nooit op n geluudsdroager west hemmen. Moar ze hemmen wel degelk te moaken mit mien leven nou."
Zo begon de nuigen veur de presentoatsie van de drijdubbele CD-deus t Goie leven, mit waark van zangeres, tekst- en muziekschriever en gitariste Lianne Abeln. De hoogtepunten oet heur muzikoale leven binnen hiermit vastlegd en op 4 meert om 16.00 uur feestelk ten deup holden. Dat gebeurde tiedens n bieainkornst in t Huis van de Groninger Cultuur, onder aanvoeren van Henk Scholte. Mit tousproakjes, dankwoorden, bloumen, n glaske en wat in t linkerhaandje wer t n genougleke bieainkomst mit Lianne as stroalend middelpunt.
Soamen mit Ed Wennink en Nettie Vening en n haandvol aander musici binnen de mooiste nummers van heur vrougere ploaten en CD's vannijs arrangeerd en opnomen en aanvuld mit n keur oet heur leste waark. n Monumentoal waark van producers Jur Eckhardt en Ejo Dreise, n document over t goie leven dat Lianne laaiden mog.

JE
terug naar Lianne Abeln

Deze pagina is bijgewerkt op