Ik bin vri'j

De zeevoegel zwalkt en hij zaait over 't laand
Zie hiíj speult op 'e wiend, boven een kiend,
Dat speult op 'e raand van et straand in et zaand
En mar meer schelpen vient, onder de wiend,

Et raekt me niet langer, 't gezeur en gezanger
Al knapten ze haost, 't het mij niet verbaosd
Al was 't een geaemel, al was 't een gestaemer,
Al hadden ze raosd, al stikte ik haost,

Dreugstoppels, sloegkoppels, snorkvarkens, kiek uut
Et zit jim niet glad, 'k bin jim zo zat,
Eigen eer lokt jim meer, eigenwiel as een petries,
Deur dit en deur dat, krieg van mij wat,

Pas mar op, kiek mar uut, 'k heb d'r veur waorschouwd,
Daenk mar an mij, ik vuul me vrij,
Middelmaot, wor mar kwaod, 't geft gien baot, de wiend wijt
En ik vuul me vrij, ik zing opni'j

Ik bin vrij ik bin vrij
Ik bin vrij, oe ik vuul me zo vrij, vuul me zo vri'j

tekst en muziek: Henk Bloemhoff.

Van de lp: Singeliers

terug naar Henk Bloemhoff

Deze pagina is bijgewerkt op