DOEZEND DINGEN TE DOEN

de zunne komt net op
ik kiek een beetie oet het raom
wel een tikkie vrog
en ik heb nog niet veul slaopen daon
ik weet wel wat a’k doen moet
maor het valt niet altied met
en dan denk ik an oe
en dan spring ik uut mien berre
ik wil oe niet in de kop hebben
dat ik kiek ies om mij hen
en dan is er veul
dat ik doen kan zunder oe
ie heurt mij niet klaogen
'k heb ja doezend dingen
'k heb ja doezend dingen te doen

ik ben er mangs maor half
en d’aandere helft is heul wied vort
ik twiefel an mijzölf
of 't ooit nog wel weer beter wordt
de tied die zal wel raod weten
en ze zegt het komt goed
maor ik weet nog niet hoe
en dan zuuk ik weer wat moed
ik wil oe niet in de kop hebben
dat ik kiek ies om mij hen
en dan is er veul
dat ik doen kan zunder oe
ie heurt mij niet klaogen
'k heb ja doezend dingen
'k heb ja doezend dingen te doen

MARJOLEIN SCHERPHUIS

gezongen door Marike Schepers op de cd 'Verleg oen grčens'

terug naar Marjolein Scherphuis

Deze pagina is bijgewerkt op